President Netumbo Nandi Ndaitwah okwati shihapu onghee sha pumbiwa okuningwapo natango moshikondo shouhaku

Omupresident woshilongo Netumbo Nandi Ndaitwah, okwati nonande shihapu sha pondolwapo natango moku yandja ekwafo koo meme veli humbata oshoyo pefimbo loku pulumuna, natango shihapu onghee sha pumbwa oku ningwapo moshikodo shouhaku.

Omupresident woshilongo edi okwe dipopya  metumwalaka laye olo ayandja lanuninwa efiku loku dimbuluka efiku loundjolowelwe mounyuni olo la dimbulukiwa onghela mounyuni aushe.

Okwati oshikondo shouhaku onghee sha taalela omashongo omikifi ngaashi etukuko lomukifi wo cholera, oo wa didilikwa taweendelele oku tandavela muimwe yomoilyolongo yo SADC omo yoo mwa kwatelwa Namibia, shinasha nomunhu oo ali alopotwa aningwa oshihakanwa sho mukifi wo cholera komudingonoko wOpuwo moshitopolwa sha Kunene  pehovelo lomwedi wadileko.

Okwati oshilongo osha taalela yoo oupyakadi womikifi ngaashi omalaria  oo wadidilikwa moitoplwa ya yooloka yoshilongo ngaashi  Kavango East, Kavango West, Ohangwena, Zambezi, Omusati, Oshana, Kunene, Oshikoto, Omaheke, no Otjozondjupa.

Netumbo Nandi Ndaitwa, tadenge omufindo nghene epangelo tali twikile noku litulamo moku yandja omakwafelo apumbiwa opo ku kelelwe etandavelo lomukifi wo Malaria osho sha kwatelamo ngaashi oku pombela, oku yandja eenete deemwe oshoyo okuu nganeka oikonga yomapukululo koshiwana.

Efiku louhaku mounyuni olo hali dimbulukiwa alushe keshe komudo mo 07 April, neudo ola dimbulukiwa koshi yekanghameno olo taliti ‘’Etameko lina oundjolowele nonakwiiwa ina elineekelo liwa’’.

The post President Netumbo Nandi Ndaitwah okwati shihapu onghee sha pumbiwa okuningwapo natango moshikondo shouhaku first appeared on Future Media News.

The post President Netumbo Nandi Ndaitwah okwati shihapu onghee sha pumbiwa okuningwapo natango moshikondo shouhaku appeared first on Future Media News.