Penda Ya Ndakolo, okwa ulika olupandu laye kepangelo eshi lali lemupa omito akwatele komesho oshiwana

Ngoloneya adjako koshipundi  moshitopolwa sha Oshikoto , Penda Ya Ndakolo, okwa ulika olupandu laye kepangelo eshi lali lemupa omito akwatele komesho oshiwana moikondo ya yooloka.

Ya Ndakolo pefimbo leenghundafana daye no shikundaneki sho Nampa, molomakaya okwa tofamo imwe yomo inakuwanifwa ya yooloka ayo ali akwatela komesho omo mwa kwatelwa eshi ali  councillor wopashitopolwa, oshilyo sheungaungo lo commitee, oshilyo sheumbo etivali lopashiwana, oshilyo sheumbo lomutumba wopashiwana, ngoloneya wopashitopolwa no kwali yoo ominister yetanga leameno.

Ya Ndakolo ta pandula oshiwana sha Namibia opamwe newiliko alishe lepangelo eshi lali lemupa eemito doku kwatela komesho oshiwana moikondo ya yooloka.

Okwa longifa omito tapula oikondo yo paumwene, omalelo omifyuululwakalo oshoyo omalutu ayooloka epangelo atwikile noku yandja eyakulo koshiwana opo vahange oshilalakanenwa asho tashi pumbiwa.

Okwati eeprojeka aado ina dimanifwa natango ngaashi domeva no lusheno oshoyo elongo oda pumbwa ehangakeno lovakufimbinga va yooloka opo ashike eedjodi dipondolwe.

Okwati dihapu do meeprojeka aado dali koshi yewiliko laye ina dula oku dimanifa, oda etififwa komumbwe yoshimaliwa.

Nande ongaho okwati okwe shipondola yoo oku yandja omayakulo amwepo ngaashi oku yandja omeva koshiwana.

Lwopokati oopo ngoloneya mupe akufako oshinakuwanifwa Sakaria Kathindi, yee okwa udaneka taka yandja eyakulo laye koshiwana ngaashi ta shidulika.

Okwati ote ke shininga noku ninga tete omakonaakono oku tala nghene eemumbwe da taalela oshiwana tadi dulu oku tulwa moilonga.

Kathindi okwa ulikwa metitano onga ngoloneya mupe woshitopolwa sha Shikoto.

The post Penda Ya Ndakolo, okwa ulika olupandu laye kepangelo eshi lali lemupa omito akwatele komesho oshiwana first appeared on Future Media News.

The post Penda Ya Ndakolo, okwa ulika olupandu laye kepangelo eshi lali lemupa omito akwatele komesho oshiwana appeared first on Future Media News.