Ovanhu 16 vadipawa mo nooli ushilo wa Nigeria kongudu yo Lakurawa, 

Ovanhu veli 16 okwa lopotwa vadipawa pefimbo lomalipumo mumwe ovanambelewa voku kalekapo eameno pamwe noo nakulwa vongudu ta yufanwa Lakurawa,  momikunda tadi hangwa monooli ushilo wa Nigeria.

Eelopota doikundaneki odati ongudu yelihomateka yo Lakurawa ota kulopotwa ya tukuka okudja moshiwana osho tashi hangwa momudingonoko wa palafana eengaba noshilongo  Nigeria oshoyo Niger okudja peumbeko lepangelo letanga lopakwaita mo Niger July 2023.

Nande ongaho oshilongo Nigeria, natango osha kala sha didilikwa eengudu dovanhu ve lihomateka unene moitopolwa yo nooli ushilo odo datalika dakwatelwa komesho kongudu yo Boko Haram.

Omupopiliko wopolifi moshitopolwa sha Kebbi omo mwaningilwa oshiningwanima  Nafiu Abubakar, okwati oshiponokela osha holoka olomakaya konguloshi pefimbo omalume elihomateka oifufuta aponokela omikunda ngaashi  mo Tungan Taura oshoyo omukunda  Tungan Ladan.

Olopota oyati ovaponokeli konima yoshiningwanima ova shingapo yoo eengobe do vakwashiwana dili momuvalu uheshiivike noku fiya vadipaya ovakwashiwana veli 16.

Omunambelewa okwati pefimbo eli opolifi oya adjakanekelwa komudingonoko oku tala ngenge oonakuninga ominyonena tava mangwapo.

The post Ovanhu 16 vadipawa mo nooli ushilo wa Nigeria kongudu yo Lakurawa,  first appeared on Future Media News.

The post Ovanhu 16 vadipawa mo nooli ushilo wa Nigeria kongudu yo Lakurawa,  appeared first on Future Media News.