Epangelo la DRC ola yemba omafyo ovakwashiwana vefike po 53 ovo va dipawa kee rebels

Epangelo la Democratic Republic of the Congo (DRC) mo lomakaya ola shiivifa laudifwa nai komadipao oo aningilwa ovakwashiwana veli 53 ovo va dipawa oufiku wetitano moushilo woshilando sha Goma kongudu yee  rebels do March 23 Movement (M23).

Momukanda wo pambelewa oo wa signed ku Vice Prime minister nokuli yoo  minister woikwameni moshilongo Jacquemain Shabani, okwati epangelo la DRC ota liyandje oushima komahepeko aningilwa oshiwana osho tati oshili pondje yoveta noufemba woshiwana moshitopolwa.

Olwoodi ota ku lopotwa la tukuka metitano konguloshi mouninginino woshilando sha Goma, osho tashi hangwa moshitopolwa sho North Kivu.

Ookatale konawa tava lombwele oikundaneki kutya, olwoodi ola hovela po10:00 p.m. etitano fiyo olomakaya ongula.

Olwoodi ola tukuka pokati kongudu yee  M23 rebels, odo da kala da kwatako etonatelo loshilando Goma okudja mu January 2025, opamwe no ngudu yee rebel do Wazalendo self-defense militias, oyo yelimanga kumwe netanga leameno loshilongo  (FARDC).

Olopota ya pitifwa ko radio yomudidimbe yo pashiwana moshilongo DRC yati, M23 rebels ota diyandje oushima ketanga lelimanga kumwe nepangeo lo FARDC-Wazalendo moku unganeka oiponokela.

Okudja nghene oshitopolwa sha Goma shakala sha kwatwako okudja pexulilo la January neudo, M23 ota kulopotwa da tulapo ewiliko lado moshilando omo, omanga natango omalwoodi adidilikwa taa twikile meenele da yooloka doshitopolwa sha North Kivu.

Shelikwatelela kehangano loiwana yahangana olati omuvalu wo vanhu vefike lunga po 1 million, omo  mwa kwatelwa ounona vefike  400,000 ova ya onapo okudja moshitopolwa sha North Kivu no South Kivu, omolwo onghalo yoku hena eameno.

The post Epangelo la DRC ola yemba omafyo ovakwashiwana vefike po 53 ovo va dipawa kee rebels first appeared on Future Media News.

The post Epangelo la DRC ola yemba omafyo ovakwashiwana vefike po 53 ovo va dipawa kee rebels appeared first on Future Media News.