Ehangano lyoondya miigwana ya hangana mo Ethiopia olya taalela ompumbwe yomakwatho

Ehangano lyoondya miigwana ya hangana nena olyati otali kuthapo omakwatho gaakiintu naanona yena omanyutu yeli 650 000 mo Ethiopia omolwa ompumbwe yomakwatho.
Ehangano lyiigwana ya hangana olya londodha kutya aantu oomilion 3.6 mo Ethiopia itaaka vula oku mona iikulya miiwike yili komeho ngele inapa monika omakwatho omape.
Nehangano otali thiminikwa li kaleke nenge li kuthepo epango lyaakiintu naanona 650 000 mboka yena omanyutu mu May omolwa omakwatho inaaga gwana.
Onzonkundana yo AFP oya lopota kutya o WFP ngaashi ashike omahangano galwe gomakwatho oya kuthwa omakwatho komupresitend Donald Trump ,ngoka a gandja elombwelo oku kuthapo omakwatho agehe gopondje noomwedhi ndatu ,sho a yi mombelewa mu January.
Ethiopia ota polo kiita yopashigwana pokati kaakwiita yepangelo noorebel monooli ya Tigray okuza mu November 2020 na November 2022,mbyoka ya faalela oomwenyo dhaantu ya thika 600 000,omanga aantu ya thika pomilion yimwe natango ya tulululwa.

The post Ehangano lyoondya miigwana ya hangana mo Ethiopia olya taalela ompumbwe yomakwatho first appeared on Future Media News.

The post Ehangano lyoondya miigwana ya hangana mo Ethiopia olya taalela ompumbwe yomakwatho appeared first on Future Media News.