Listeners:
Top listeners:
play_arrow
Nova 1035
Uuministeli wOmidhingoloko owa gandja omaloli gaali taga ka longithwa miikunino yiinamwenyo oku tuta omeya, oku opaleka oopate dhaatalelipo, oku opaleka olugumbo,oku kondjitha omililo oshowo oku kwathela miilonga ayihe moshikunino shiinamwenyo mEtosha.
Minista pamwe nosheendo she okwali a tamekitha olwendo lwe Etitano noku talelapo omahala moshikunino shiinamwenyo, oshowo oku tala onkalo nuukwatya wolugumbu lwondhalate ndjoka.
Moshipopiwa she mehuliloshiwike minista Indileni Daniel okwati otaya lalakanene oku kwashilipaleka kutya iithitukuti niinamwenyo ayihe oya gamenwa, ko ku kondjithwe uukongo waaheli paveta.
Daniel tati omaloli ngoka oga landwa oku pitila moshiketha sho Game Products Trust Fund koshimaliwa sha konda oomiliona 7.
Ta gwedhapo kutya otaga ka longithwa oku tuta omeya, oku opaleka oopate dhaatalelipo, oku opaleka olugumbo, oku kondjitha omililo oshowo oku kwathela miilonga ayihe.
Minista ta gwedhapo kutya iilongitho mbyoka otayi vulu oku longithwa kiikununo yilwe uuna sha pumbiwa.
Okwa kunkilike aanambelewa ya kwashilipaleke kutya iilongitho oya longithwa nawa noku kalekwapo, molwaashoka okwa itaala kutya oyo tayi dhana onkandangala onene moku gamena iithitukuti noku kalekapo egameno woo.
The post Uuministeli wa gandja omaloli gongushu yoshimaliwa sha konda oomiliona 7 first appeared on Future Media News.
The post Uuministeli wa gandja omaloli gongushu yoshimaliwa sha konda oomiliona 7 appeared first on Future Media News.
