UK ota longo oku pupaleka oshikumungu shoo Visa kaapashiyoni aa Namibia

Ngoka ta thigipo onkatu yuu ambassodor wa Britain mo Namibia Charles Moore okwa holola kutya UK ota longo oku ningitha oshikumungu she shoo visa oshipu kaapashiyoni aa Namibia.
Ta popi sho ta laleke omupresitend Netumbo Nandi Ndaitwah metitatu kegumbo lyepangelo,Moore okwa holola kutya UK okwa tulapo omulandu goo visa kaapashiyoni aa Namibia mu July 2023 sha landula elongitho pambambo lyoshipumbiwa shokwaaha pula oo visa shoka sheetitha omwaalu ogundji gwaakongi yuuholamenno okuza mo 2016.
Ta holola kutya okuthika mu July 2023,aa Namibia ya konda 1 000 oya konga uuholameno mo UK.
Moore ta holola wo kutya nonando omulandu go visa okwali tagu longo oku hulithapo aa Namibia taya kongo uuholameno mo UK,oshina ondilo kaapashiyoni aa Namibia yashili ,mwa kwatelwa aanangeshefa, aanambelewa yopombanda,nakehe ngoka a hala okuya ko UK.
Notaya kambadhala oku ninga oshikumungu oshipu,notashi endelele, kaapashiyoni aa Namibia.

The post UK ota longo oku pupaleka oshikumungu shoo Visa kaapashiyoni aa Namibia first appeared on Future Media News.

The post UK ota longo oku pupaleka oshikumungu shoo Visa kaapashiyoni aa Namibia appeared first on Future Media News.