Prime minister Dr. Elijah Ngurare na mayor welelo loshilando sha Windhoek vatalelapo ova kwapata vounona vaxulifila moshiponga shomundilo mo Windhoek

Omundilo okwa lopotwa wa tukuka mokabasu oko taka hangwa mo mudingonoko wolukanda Okahandja park noku twaalela eemwenyo dounona va 2 oumwainafana.

Olopota yopolifi oyati ounona ova tongololwa nomadina kutya ovo, Elias Jonathan Ndapwoita (6) oshoyo  Laimi Penohamba Ndapwoita (4).

Oshiningwanima shinyemateka osha holoka molomakaya efimbo lo konguloshi pokati ko 20:00 no 21:00.

Ounona vaningwa oihakanwa ota kulopotwa meumbo valimo ovo aveke pefimbo omumwaina mati oo afiwamo ahangwa aya poushiinda omanga meme wavo aya koilonga.

Ina ku shiivika natango kutya oshike osho sha etififa omundilo.

OmuPrime Minister Dr. Elijah Ngurare,  opamwe na mayor welelo loshilando sha Windhoek Ndeshihafela Larandja,  oshoyo ovanambelewa va yooloka, ovali vaya keumbo lo vapambele noku va twaalela yoo imwepo yo meemumbwe.

Omu Prime Minister ta hokolola oshiningwanima tashi nyemateke nokwa pula oshiwana shuulike olukeno lasho ko vapambele vaningwa oshihakanwa.

Ovaleli ovaulika yoo tava kayadja eyambidido lavo moku kwafela eyambulepo lokabasu ka halakanifwapo ko mundilo.

Ovapambele ovaulika yoo olupandu lavo komakwafelo oo va etelwa kovanambelewa, omo mwa kwatelwa oikulya, tent, mattresses, no makumbafa  no vanambelewa ova halela eemwenyo dounona odo da kanena moshiponga sho mundilo di tulumukwe nombili.

The post Prime minister Dr. Elijah Ngurare na mayor welelo loshilando sha Windhoek vatalelapo ova kwapata vounona vaxulifila moshiponga shomundilo mo Windhoek first appeared on Future Media News.

The post Prime minister Dr. Elijah Ngurare na mayor welelo loshilando sha Windhoek vatalelapo ova kwapata vounona vaxulifila moshiponga shomundilo mo Windhoek appeared first on Future Media News.