President Nangolo Mbumba, okwati omukokoli okwa longa shawana

Omupresident Nangolo Mbumba okwati omukokoli president okwa limako oshimungu shaye eshimana ngaashi naana shateelelika.

Nangolo Mbumba edi okwe dipopya metumwalaka laye olo ayadja efiku lefudiko lomukokoli Nujoma molomakaya.

Okwati nonande omitima doshiwana danyika oluhodi noku kumwa kekanepo lomukokoli President Sam Nujoma, oshili yoo omito yoku pandula oilonga oyo yalongelwa oshiwana komukokoli, oo akwashilipaleka kutya oshilongo osha mona emanguluko noku shikwatela komesho natango konima yemanguloko noku shifiila ombili noukumwe.

Okwati oshiholelwa osho Nujoma afiila oshilongo shelitulemo no kulonga noudiinini ota shikala alushe elineekelo kovapambele vomukokoli noshiwana ashishe sha Namibia.

Ponele yepangelo no vanhu va Namibia omupresident Nangolo Mbumba, okwa yandja omahekeleko komufiyekadi womukokoli meekulu  Kovambo Nujoma, oludalo novatekulu oshoyo epata alishe, tati oshiwana sha Namibia oshili pamwe navo pefimbo eli ladjuupala.

President Nangolo Mbumba, okwa halela omwenyo womukokoli utulumukwe nombili moukwaalushe.

The post President Nangolo Mbumba, okwati omukokoli okwa longa shawana first appeared on Future Media News.

The post President Nangolo Mbumba, okwati omukokoli okwa longa shawana appeared first on Future Media News.