Oo ngoloneya vape vaudaneka oku kayandja omayakulo koshiwana

Eengoloneya dipe opo daulikwa moitopolwa ya yooloka oda udaneka tadi kayadja omayakulo ado ngaashi tashi pumbiwa ngaashi shili pamilandu odo da tulilwapo omayakulo oshiwana, enghonopaleko leliko oshoyo oku kalekapo oukali nawa neyakulo lomukwashiwana keshe.

Eshi osha landula eshi metitano omupresident woshilongo Netumbo Nandi-Ndaitwah, aulika oongoloneya vape veli 7.

Ovo vaulikwa omwa kwatelwa Sam Shafiishuna Nujoma (Khomas Region), Vipuakuje Muharukua (Kunene Region), Sacky Kathindi (Oshikoto Region), Verna Sinimbo (Kavango West Region), Hamunyera Hambyuka (Kavango East Region), Riaan Charles McNab (Hardap Region) oshoyo John Julius //Khamuseb (Otjozondjupa Region).

Ngoloneya woshitopolwa sha Kavango West Verna Sinimbo, talombwele oikundaneki kutya meyakulo laye ota katala unene komayambulepo ounamapya.

Okwati oshitopolwa oshina ouyamba womeva omulonga nedu lawana tati oyo omito iwa okweetapo eendja oshoyo  eemito doilonga kovanyasha.

Ngoloneya woshitopolwa sha Khomas Sam Shafiishuna Nujoma, yee okwati ota ka tala konghalo yo kuhena edu nomumbwe yomaumbo tati oshili oupyakadi wa pumbwa oku monenwa ekwafo lomeendelelo.

Governor woshitopolwa sha Kunene  Vipuakuje Muharukua, yee okwati ota katala konghalo yelongo, ouhaku oshoyo oku hena oilonga mokati kovanyasha.

Oo aulikwa oku kalelapo oshitopolwa sha Oshikoto Sacky Kathindi,  okwa ulika elipyakudukwa oku kwafa oshiwana moshitopolwa meemumbwe da yooloka da taalela oshiwana.

Omanga ngoloneya woshitoplwa sha Kavango East  Hamunyera Hambyuka,  aholola taka tala konghalo yoku kandulapo oluhepo lataalela oshiwana moshitopolwa shaye.

Ngoloneya woshitopolwa sha Hardap Riaan Charles McNab, okwa ulika taka yandja ekwafo koshiwana shaye ngaashi tashi pumbiwa mokweeta elunduluko tati ota shipumbwa elongelokumwe.

John Julius //Khamuseb, oo aulikwa onga ngoloneya woshitopolwa sha Otjozondjupa, yee okwa denga omufindo nghene taka tala komayambulepo ngaashi oku yandja omaumbo kovanhu veli meenele domalukanda oinyakwi.

The post Oo ngoloneya vape vaudaneka oku kayandja omayakulo koshiwana first appeared on Future Media News.

The post Oo ngoloneya vape vaudaneka oku kayandja omayakulo koshiwana appeared first on Future Media News.