O NamRA oya gongela oodola oobilion 88.6 noku pitilila oshishonekwa shawo shoodola oobilion 85.3 momumvo shimaliwa go 2024-2025

Oshikondo shoku gongela oompale dhepangelo o NamRA osha gongela oodola oobilion 88.6 okuthika pehulilo lya March,noku pitilila oshishonekwa shawo dhoodola oobilion 85.3 momumvo shimaliwa go 2024-2025.
Ta popi pethimbo lyoku simaneka aafuti yoompale naapindiki omandaaha moshilandopangelo,ominista yemona Ericah Shafudah okwa kwatakanitha epondolo ndika kelongelokumwe lyaafuti yoompale naapindiki.
Ta tsu omukumo oongeshefa dhi tale koku shangitha,okuudhitha noku iyutha koku futa,shoka a hokolola sha simana mepondolo lyopashigwana.
Esiku olili omvula ontine okuza nkene o NamRA ya totwapo mu 07 Apilili 2021.
Ta popi pethimbo lya faathana,omunashipundi gwewiliko lyo NamRA Anna Nakale Kawana okwa dhenge omuthindo kutya okwiiyutha okuli oshinakugwanithwa shoka hashi yambidhidha ekoko lyopashigwana.
Nakale Kawana ta yele wo opolohalama yo Tax Amnesty Programme ndjoka tayi sile ohenda aafuti yoompale mboka inaaya futa iifuta yawo ,ya fute sigo oko 31 October 2026.

The post O NamRA oya gongela oodola oobilion 88.6 noku pitilila oshishonekwa shawo shoodola oobilion 85.3 momumvo shimaliwa go 2024-2025 first appeared on Future Media News.

The post O NamRA oya gongela oodola oobilion 88.6 noku pitilila oshishonekwa shawo shoodola oobilion 85.3 momumvo shimaliwa go 2024-2025 appeared first on Future Media News.