Minister wouhaku onghela atalelapo pashivakela oshipangelo sha Katutura

Minister wonghalo nawa noudjolowele, Esperance Luvindao onghela okwa talelapo pashivakela oshipangelo sha Katutura efimbo leevili dongula.

Etalelepo la minister ola talika lali tali la lakanene okuli talelako mwene konghalo oyo ya taalela ovanaudu nonghene ovanailonga vouhaku tava yandje eyakulo lavo kovanaudu.

Pefimbo letalelepo laye ovanaudu ovayandja omakemo avo ku minister omo mwakwatelwa  oulefimbo woku teelela momikweyo opo vamone omayakulo, omakateko omakonaakono ounamiti oshoyo omumbwe yefiloshisho lawedwapo linasha nouhaku.

Pefimbo opo twoo opo ovanailonga vouhaku voo ovaulika yoo kombinga yomashongo oo va taalela osho sha kwatelamo omuvalu uli pombada wovanaudu oshoyo omumbwe yoikwafifo youhaku.

Minister taulike nghene ena eshiivo kombinga yomashongo ataalela oshikondo shouhaku, ashike okwe shiyelifa nghene shapumbiwa oku longela kumwe moku kandulapo omaupyakadi oo ataalela oshikondo, opo kuyandjwe eyakulo leliwanapo koshiwana.

Minister okwa kwashilipaleka kutya, ombelewa yaye oili yatula koshivalo omakemo oo ataalela oshikondo shouhaku nota ka kala aya meenghundafana noikondo youhaku oku tala nghene omashongo tadulu oku monenwa ekandulepo lomukundu.

The post Minister wouhaku onghela atalelapo pashivakela oshipangelo sha Katutura first appeared on Future Media News.

The post Minister wouhaku onghela atalelapo pashivakela oshipangelo sha Katutura appeared first on Future Media News.