Mali okwiikutha  mo International Organisation of La Francophonie

Mali,Burkina Faso,na Niger natango oya hangana oku kondema  France.

Metiyali,Mali okwa landula Burkina Faso na Niger,noku tseyitha ta zimo mo International Organisation of La Francophonie.

O Africa news oya lopota kutya uuministeli wiikwapondje wa Mali owati oshilongo itashi thigala oshilyo shehangano ndyoka oonkatu dhalyo itaadhi kalelepo oongushu dhalyo,dhoka dhiikolelela kepangelo lyopauyene.

Etokolo olya landula etokolo lya faathana ku Burkina Faso na Niger,mboka ngaashi Mali yena omapangelo gopakwiita ,noya kuthapo uukumwe na France oku kalekapo eipangelo lyawo lya manguluka.

Ilongo itatu,iitotipo longo yo OIF oya kondema ehangano oku kala lili olugama mbinga oku tulilamo oondjindikila noku dhina omapangelo gawo,taati olili  oshilongitho shopapolitika.

Ezemo lyawo mehangano lyiilongo iipopi yelaka lyoshi French olyeya sho pena omahilathano pokati kiilongo mbyoka na France,sho aaleli yopakwiita moshitopolwa Sahel ya lundulukile ku Russia noku endulula eipangelo lyawo,lyuulikwa paku lukulula omapandaanda niihongwafano mbyoka kwali nale ya simaneka France.

The post Mali okwiikutha  mo International Organisation of La Francophonie first appeared on Future Media News.

The post Mali okwiikutha  mo International Organisation of La Francophonie appeared first on Future Media News.