Die lewende legende Anton Goosen bring ‘n nuwe album uit

Die lewende legende Anton Goosen het onlangs ‘n nuwe album vrygestel.

Ek was baie nuuskierig om sy nuwe musiek te hoor, want daar is so baie van sy liedjies wat my terug neem na verskillende tye in my lewe.  Ek dink aan liedjies soos Blommetjie Gedenk Aan My en Geelperskereën.  Ek sien op Wikipedia dat ‘n voorligtings onnie vir hom gesê het dat hy eerder moet vergeet van ‘n loopbaan in musiek.  Hy was 17 jaar oud.  In 1963 is hy blykbaar uit die koshuis geskors wat hy is in die bad gevang rook en guitar speel.   Dit klink vir my na ‘n goeie begin vir ‘n Rock & Roll leefstyl.   Hy het dieselfde jaar sy skool se eerste rock group begin.  En vandag is hy bekend as die vader van Afrikaanse Rock.  Ek is bly hy het nie geluister na die voorligtings onnie nie.

Sirkels bevat nege nuwe liedjies, insluitend drie toonsettings – “Bly by my, (my lief)” en “Êrens is jy” van Antjie Krog, asook “Apollo 11” (Ruimtestasie Houston) van DJ Opperman. Dit sluit ook twee duette, met onderskeidelik Lise Swart en Zolani Mahola van Freshlyground, in.

+