President Nangolo Mbumba, akumaida ewiliko lipe lo Parliament

Omu President Nangolo Mbumba okwa yandja elombwelo koilyo ipe meumbo lomutumba wopashiwana ikalekepo eduliko lomilandu veta odo dakwatelapo oukumwe, emanguluko, oufike pamwe nouyuki.

Edi omutwe woshilongo wa Namibia okwe dipopya onghela pefimbo talekele eumbo lomutumba wo pashiwana.

Okwa kumaida  oilyo ipe ilivangeke omikalo odo ita di tungu oshilongo omo mwa kwatelwa oukwamuhoko, etopoko oshoyo edengelo lodi peisho.

Omupresident Mbumba, oo tayi moshipundi shetulumuko okwa kala no inakuwanifwa ya yooloka moshikondo shopolitika yoshilongo okudja nghene oshilongo shamonene emanguluko mo 1990.

Oye ali hamushanga wo cabinete okudja pemanguluko loshilongo fiyo osheshi akaningwa omunambelewa omukulunhu oo ali ta tonatele oshikondo sho kwaalulila Walvis Bay ku Namibia.

Mbumba okwa ningile oshilyo sho shongalele sheumbo lomutumba wopashiwana mo 1993, oshinakuwanifwa aasho akala ayandja eyakulo musho fiyo 2018.

Momukokomoko  omo okwa ulikwa yoo akwatele komesho eeministry dayooloka, omo mwa kwatelwa eshi ali minister younamapya omeva no mayambulepo okomikunda (1993–1996), ali ominister yoimaliwa  (1996–2003), ominister yomauyelele no matumomawi momepo (2003–2005), ominister yelongo (2005–2010), no kwali yoo ominister yeameno nepopilo (2010–2012).

Mbumba okwa kaningwa hamushanga wongudu yo SWAPO mo 2012.

Mu February 2018, okwa ulikwa onga omutivali president woshilongo shalandula kefyo lao ali omutivali president Nickey Iyambo.

Okwa kala no shinakuwanifwa aasho fiyo omo 2024, eshi aka ulikwa aninge omupresident woshilongo shalandula kefyo lomupresident Hage Geingob.

Pefimbo loshiindingili lekelo osho shaliko onghela,  oo eli omuwiliki wongudu yo PDM McHenry Venaani, okwa pupula kombuda omupresident Mbumba, omolwa ewiliko laye liwa nonande eshinga pefimbo lakala la taalela omashongo mahapu.

Oo eli omupedu minister wouhaku Ester Muinjangue, naye okwa ulika yoo olupandu laye eshi amona omito oku kwatela komesho oshinakuwanifwa shounamiti koshi yewiliko la Mbumba.

Omuwiliki wongudu yo NEFF Epaphras Mukwiilongo , naye okwa pandula ewiliko lomupresident Mbumba.

Mukwiilongo temudimbulukifa nghene oshikundafanwa sho notwaveta inasha noku hapopila  oushenge oyo ya etwa poluhaela ku Jerry Ekandjo, yali eshongo ku Mbumba, ashike okwe mukwashilipaleka tave  shili neekelele epupi lo komongula opo omifyuululwakalo neenghulunghedi doshi Africa, ditwikile noku kalekwapo.

The post President Nangolo Mbumba, akumaida ewiliko lipe lo Parliament first appeared on Future Media News.

The post President Nangolo Mbumba, akumaida ewiliko lipe lo Parliament appeared first on Future Media News.