play_arrow
Nova 1035
Ompangu yopombanda elela nena oyeekelehi epataneko lyomahogololo gopashigwana ndyoka lya tulwamo kongundu yo Independence Patriots for Change no landless people movement.
Ongundu yaatamaneki ya kwatelamo Chief Justice Peter Shivute,Judge Presitend Petrus Damaseb,Deputy Judge Presitend Hosea Angula,Justice Sylvetser mainga na Justice Dave Smuts oya gandja wo elombwelo opo kehe ongundu yi fute iifuta yawo yene yopaveta.
Mboka kwali ya tulilwamo oshipotha oyo omupresitend Nangolo Mbumba,okomisi yomahogololo,nongundu yo SWAPO.
Oompilameno mbali o IPC no LPM okwali dha hala elombwelo taliigidha oshizemo shomahogololo gopashigwana ga ningwa omumvo gwa piti mu November kutya kagena ongushu go kageli paveta.
Tadhiti wo oshizemo shomahogololo nashiigidhwe onga epogolo lyekotampango lyoshilongo,tayati omahogololo okwali gena okwaahalonga nuuyuki,mwa kwatelwa oombaapila dhomahogololo inaadhi gwana kiitasi yimwe moshilonno.
Okomisi oya lelepeke omahogololo nomasiku gaali,sigo oko 30 November.
Naatulimo yoshipotha oyati omupresitend nokomisi yomahogololo kayena uuthemba wopaveta oku lelepeka oshikumungu shoku hogolola.
The post Ongundu yo IPC ya kanitha oshipotha moka kwali tayi pataneke iizemo yomahogololo first appeared on Future Media News.
The post Ongundu yo IPC ya kanitha oshipotha moka kwali tayi pataneke iizemo yomahogololo appeared first on Future Media News.
